Hanumaan Chalisa

Shrīguru charana saroja raja nija mana mukuru sudhāri।

Baranau raghubara bimala jasu jo dāyaku phala chāri॥

Buddhihīna tanu jānikai sumirau pavanakumāra।

Bala budhi bidyā dehu mohi harahu kalesa bikāra॥

Jaya hanumāna gyāna guna sāgara।

Jaya kapīsa tihu lok ujāgara॥ 1 ॥

Rāma dūta atulita bala dhāmā।

Anjani putra pavanasuta nāmā॥ 2 ॥

Mahāvīra vikrama bajarangī।

Kumati nivāra sumati ke sangī॥ 3 ॥

Kanchana barana birāja subesā।

Kānana kundala kunchita kesā॥ 4 ॥

Hātha bajra au dhwajā birājai।

Kādhe mūnja janeū sājai॥ 5 ॥

Shankara suvana kesarī nandan।

Teja pratāpa mahā jaga bandan॥ 6 ॥

Vidyāvāna gunī ati chātura।

Rāma kāja karibe ko ātura॥ 7 ॥

Prabhu charitra sunibe ko rasiyā।

Rāma lakhana sītā mana basiyā॥ 8 ॥

Sūkshma rūpa dhari siyahi dikhāvā।

Bikata rūpa dhari lanka jarāvā॥ 9 ॥

Bhīma rūpa dhari asura sahāre।

Rāmachandra ke kāja savāre॥ 10 ॥

Lāya sajīvani lakhana jiyāe।

Shrī raghubīra harashi ura lāe॥ 11 ॥

Raghupati kīnhī bahut badāī।

Tuma mama priya bharatahi sama bhāī॥ 12

Sahasa badana tumharo jasa gāvai।

Asa kahi shrīpati kantha lagāvai॥ 13 ॥

Sanakādika brahmādi munīsā।

Nārada sārada sahita ahīsā॥ 14 ॥

Jama kubera dikpāla jahā te।

Kabi kobida kahi sakai kahā te॥ 15 ॥

Tuma upakāra sugrīvahi kīnhā।

Rāam milāya rājapada dīnhā॥ 16 ॥

Tumharo mantra bibhīshana mānā।

Lankeshvara bhae saba jaga jānā॥ 17 ॥

Juga sahasra jojana para bhānū।

Līlyo tāhi madhura phala jānū॥ 18 ॥

Prabhu mudrikā meli mukha māhī।

Jaladhi lāghi gaye acharaja nāhī॥ 19 ॥

Durgama kāja jagata ke jete।

Sugama anugraha tumhare tete॥ 20 ॥

Rāma duāre tuma rakhavāre।

Hota na āgyā binu paisāre॥ 21 ॥

Saba sukha lahai tumhārī saranā।

Tuma rakshaka kāhū ko daranā॥ 22 ॥

Apana teja samhāro āpai।

Tinau loka hāka te kāpai॥ 23 ॥

Bhūta pishācha nikata nahi āvai।

Mahābīra jaba nāma sunāvai॥ 24 ॥

Nāsai roga harai saba pīrā।

Japata nirantara hanumata bīrā॥ 25 ॥

Sankata te hanumāna chhudāvai।

Mana krama bachana dhyāna jo lāvai॥ 26

Saba para rāma tapasvī rājā।

Tina ke kāja sakala tuma sājā॥ 27 ॥

Aura manoratha jo koī lāvai।

Sohi amita jīvana phala pāvai॥ 28 ॥

Chāro juga para tāpa tumhārā।

Hai parasiddha jagata ujiyyārā॥ 29 ॥

Sādhu santa ke tuma rakhavāre।

Asura nikandana rāma dulāre॥ 30 ॥

Ashta siddhi nau nidhi ke dātā।

Asa bara dīnha jānakī mātā॥ 31 ॥

Rāma rasāyana tumhare pāsā।

Sadā raho raghupati ke dāsā॥ 32 ॥

Tumhare bhajana rāma ko pāvai।

Janama janama ke dukha bisarāvai॥ 33 ॥

Anta kāla raghubara pura jāī।

Jahā janma hari bhakta kahāī॥ 34 ॥

Aura devatā chitta na dharaī।

Hanumata sei sarba sukha karaī॥ 35 ॥

Sankata katai mitai saba pīrā।

Jo sumirai hanumata balabīrā॥ 36 ॥

Jaya jaya jaya hanumāna gusāī।

Kripā karahu gurudeva kī nāī॥ 37 ॥

Jo shata bāra pātha kara koī।

Chhūtahi bandi mahā sukha hoī॥ 38 ॥

Jo yaha parhai hanumāna chālīsā।

Hoya siddha sākhī gaurīsā॥ 39 ॥

Tulasīdāsa sadā hari cherā।

Kījai nātha hridaya maha derā॥ 40 ॥

Pavantanaya sankata harana mangala mūrati rūpa।

Rāma lakhan sītā sahita hridaya basahu sura bhūpa॥